मेरु मुलुक-मेरु गौं

याद आंदी च्

पुंगड्युं मा ढलकी काकड़ी क़ी
ग्वाला जयां नौनी बछड़ि की
बकरी का चिनखि की
घोलम बैठीं घुरानी घुघुती की

याद आंदी च्
दूध-भात अर घ्यू-रुट्टी की

याद आंदी च्
नौल-धार का मीठा पाणि की
थिचौड़ी-कफलि-फाणु-गौताणी की

याद औंदी च्
आरु-चुलु-खुमानी की
नौना-नौनीक खेल मा बिमानि की

याद औंदी च्
भौत कुछक जो पिछने रै ग्याई
कुछ छुट्टी गै, कुछ हमन छोङ दयाई

मि निर्भागी त परदेसी है ग्युं
पर मैँ औलु म्यारु गौं
मैं औलू
त्वे भेट्ण
एक दिन औलू

मि त न्हे जौलु एक दिन इखम बटिन
पर म्यारु गौं

तू जुगराजि रै सदा।

~उमेश "अज़ीब"
©:ucp,15
05/05/15 2.32 अपराह्न